Im-ga̍k kap Kì-tî

這是我的「BlogBlog 同樂會 - 2026 年 6 月」的投稿文章。本月主題是「音樂與記憶」，由 柚子 主持。如果你有自己的部落格，歡迎一起來參加！

Góa sè-hàn ê sî chin phok-kiat, kah-ì kā ka-tī bú kah sîn-sîn-pì-pì, ài chham lâng bô kāng-khoán. Lâng teh thiaⁿ siáⁿ-mih Jay Chou, Jolin hiah-ê Hôa-gí liû-hêng-koa. Góa tian-tó chia̍p thiaⁿ Tâi-gí lāu-koa, khó-pí kóng Tân Lûi ê Hoaⁿ-hí tio̍h Hó. Góa sīm-chì tiàm kok-tiong im-ga̍k-khò chhiùⁿ chit tè koa-khek. Ko-tiong ê sî im-ga̍k-khò chhiùⁿ-koa khó-chhì, góa iû-goán kéng 1 tè Tâi-gí koa lâi chhiùⁿ--Ong Li̍p-iú ê Kian-chhî.

It-tēng kian-chhî kàu sêng-kong🎶 (Góa hit-sî tú-á-hó tha̍k Sêng-kong Ko-tiong)

Tâi-gí koa lia̍h-gōa, góa mā tiāⁿ-tiāⁿ teh YouTube téng-koân chhōe gōa-kok koa. M̄-nā Se-iûⁿ koa o͘h! Khah-chá lóng thiaⁿ chi̍t-kóa “Khú-sò͘”(くそ) ê koa, tio̍h-sī chiàng-sî teh kóng ê bím(meme) lah! Kok-hāu-á ê sî siōng chhèng--ê tio̍h sī Ìn-tō͘ Micheal kap Ìn-tō͘ F4. Góa mā chin ài chhōe pa̍t-kok ê kok-koa lâi thiaⁿ. Khah án-chóaⁿ lóng pí hit-tè tiàm ha̍k-hāu ta̍k lé-pài lóng ài chhiùⁿ, tiāu ná-chhiūⁿ beh sí beh sí ê THBK(ROC) sa̍h-mī chú-mī khah hó-thiaⁿ. Tiong-kok--ê góa tian-tó kā kui-ê koa-sû kì chiâu-chiâu, ē-sái bián khòaⁿ lo̍k-iáⁿ-tòa ti̍t-chiap ián-chhiùⁿ--chhut-lâi! Ko-tiong ê sî, ha̍k-hāu ê im-ga̍k sian-siⁿ siāu-kài chi̍t-kóa kok-gōa ê bîn-sio̍k im-ga̍k. Góa hit-chūn ū-iáⁿ chhōe-tio̍h chin chē kî-kî-koài-koài ê im-ga̍k, phì-lūn-kóng Bông-kó͘-cho̍k ê Huun‐Huur‐Tu, in iáu-siū kē-im ê kiōng-bêng hō͘ lâng kám-kak chin kî-biāu.

Góa oân-á thiaⁿ put-chí-á chē chong-kàu im-ga̍k, chhan-chhiūⁿ kāng-khoán siáu kē-im ê Bûn-sû Phô͘-sat Keng. It-sîn sìn-gióng ê sèng-koa mā thiaⁿ bē chió, chhiūⁿ Sèng-keng Si-phian ê Slavite Gospoda. Nā chhau-sim peh-pak, bô kàu chheng-sim, chit tè Lō͘-se-a(Russia) ê Агни Парфене, mā thang hō͘ lán sió chēng--lo̍h-lâi. Nā kóng kàu Hôe-kàu(Islam) siōng-keng góa siōng ài thiaⁿ Al-afasy ê Yasin. Thiaⁿ liáu i siōng-keng chiah chai-iáⁿ, chit-khoán mé-lo̍h-lì éng-hióng chin chē só͘-chāi ê im-ga̍k, pí-jû Ai-ki̍p(Egypt) kap Thó-khī-è(Turkey) ê liû-hêng-koa. Góa koh ū 1 ê tōa hoat-kiàn, chiū-sī Hi-la̍h(Greece) Tong-chèng-kàu(Orthodox Church) ê sîn-chit jîn-oân siōng-keng, kap A-lap(Arab) sio-kâng-á sio-kâng!

Chóng-kóng 1 kù, góa í-chêng ū-iáⁿ kài kok-pih. Tiàm chia hun-hióng góa éng-kòe kì-lio̍k ê chheng-toaⁿ, hō͘ tāi-ke bóng chham-khó. Nā ū siáⁿ-mih thiaⁿ koa chhōe koa ê sim-sek-tāi mā thang pò góa chai! Hō͘-siong kau-liû--1-ē~

---